Sérfræðingar um Ítalíu
Aðstandendur InItalia eru sérfræðingar um Ítalíu, eftir að hafa búið þar og starfað lengi, auk þess að hafa ferðast og upplifað töfra landsins með yfir þúsund Íslendinga í gegnum árin.
Öflugt tengslanet
InItalia býr að breiðu og öflugu tengslaneti á Ítalíu sem kemur sér vel þegar skipuleggja þarf óhefðbundnar uppákomur.
Við erum í nánu sambandi við skólastofnanir vítt og breitt um Ítalíu og höfum skipulagt fjölda skólaheimsókna í gegnum árin.
Sérhannaðar ferðir
Markmið ferða sem og kostnaðaráætlanir eru mismunandi en okkur er umhugað um að hver ferð á okkar vegum verði einstök.
Við höfum lengi álitið að lífið sé of stutt fyrir slæm hótel og því leggjum við okkur sérstaklega fram við finna gæðahótel fyrir ferðafélaga okkar, hvar sem við erum.
Ferðaskrifstofan sem ferðast með þér
Sagan okkar
Við hjónin áttum okkar fyrsta stefnumót í Róm árið 2012, þegar Guðjón var þar í skiptinámi, að ljúka við meistaragráðu frá Copenhagen Business School. Eftir að hafa ráfað um borgina langt fram á nótt, þar sem við sýndum hvort öðru uppáhaldsstaðina okkar, vorum við bæði kolfallin fyrir hvort öðru og það var ekki aftur snúið. Þrátt fyrir að hafa verið uppáhaldsborg okkar beggja áður, á Róm nú sérstakan stað í hjörtum okkar, sem og Ítalía.
Hjólað í Napolí
Hjólað frá ströndinni Napolí
Sungið yfir hæðir Toscana
Umsagnir ferðalanga
“Ein skemmtilegasta og eftirminnilegasta ferð sem ég hef farið í. Ég fór með Initalia til Marche héraðsins, Umbria og Rómar í júlí. Allir áfangastaðir voru hver öðrum fegurri, að upplifa miðaldarbæina Gubbio og Asissi var einstakt og dálítið eins og að vera kominn aftur til miðalda. San marino var yndisleg og ekki má gleyma að nefna spa hótelið, Borgo Lanciano en umhverfið þar var sérstaklega fallegt og kyrrðin þar svo vel þegin. Allt var upp á tíu, farastjórn, rútuferðir, vínsmakkanir og fleira. Mæli eindregið með þessari mögnuðu ferð.”
Ingibjörg Reynisdóttir
Ferðin til Marche, Umbria og Rómar með Initalia sl. sumar var sannkölluð ævintýraferð. Jóhanna og Guðjón, fararstjórar og eigendur Initalia, pössuðu vel upp á hópinn og maður gat ekki annað en dáðst að Jóhönnu sem talar reiprennandi ítölsku og þekkir alla staðhætti á svæðunum sem við heimsóttum. Þótt dagskrá ferðarinnar lægi fyrir frá upphafi, var eins og fararstjórarnir nýttu sérhvert tækifæri til að koma hópnum á óvart og gleðja okkur með einstökum upplifunum sem við áttum engan veginn von á. Má þar helst nefna stórkostlegar vín- og matarupplifanir og alls konar annað spennandi. Við hjónin getum svo sannarlega mælt með Ítalíuferðum Initalia.
Hulda Karen & Guy
“Ég fór í frábæra sumarleyfisferð með Initalia, þeim Jóhönnu Guðrúnu og Guðjóni til Ítalíu í júlí 2024. Allt skipulag og utanumhald í ferðinni var ferðaskrifstofunni til mikils sóma. Góð hótel, góður matur og frábær fararstjórn. Jóhanna Guðrún og Guðjón eru vel staðkunnug á Ítalíu og þekkja menninguna þar, tala ítölsku og eiga auðvelt með að deila þekkingu sinni með hópnum sínum. Ég þakka kærlega fyrir einstaka ferð og hlakka til að ferðast aftur með Initalia til Ítalíu.”
Jarþrúður Ólafsdóttir
Ferðin til Ítalíu var frábær og allt samkvæmt áæltun. Í fyrsta sinn sem ég læt aðra skipuleggja ferð fyrir mig. Frábærir fararstjórar, góð hótel, góður matur, skemmtilegar ferðir, og skemmtilegt fólk. Mæli hiklaust með ferðum á þeirra vegum
Pétur Bjarnason
Ferðin mín um Marce, Umbria og Róm var æðisleg með Initalia. Þarna upplifði eg sjarmerandi þorp, frábæra staði, vínsmökkun kósy hótel og geggjaðan mat. Leiðsögnin í þessari ferð var framúrskarandi þar sem farið var i gegnum sögu og menningu þessara svæða. Frá dásamlegu umhverfi Umbria til menningarsögu Rómar, hver dagur var fullur af ævintýrum. Mæli eindregið með Initalia fyrir alla sem elska fegurð Ítalíu!
Selma Karlsdóttir
Ég fór í Námsfrí á Ítalíu sumarið 2023 og mæli 100% með. Auk ítölskukennslu bauð námskeiðið einnig upp á styttri og lengri vettvangsferðir til sögufræga staða á Ítalíu. Námskeiðið var frábær blanda af menntun, menningu og skemmtun.
Kristín Ósk Júlíusdóttir
"Age is an issue of mind over matter, if you don't mind it doesn't matter"
Mark Twain
Skráðu þig á póstlistann okkar!
Við munum aldrei senda þér póst nema eitthvað skemmtilegt hafi bæst við hjá okkur varðandi ferðir eða matvörur.
InItalia mun aldrei deila upplýsingum um þá sem skrá sig til þriðja aðila.
