InItalia er ferða- og matarklúbbur Guðjóns & Jóhönnu
Deila skal því sem gott þykir!
-
Ferðir
InItalia býður upp á fjölbreyttar ferðir um Ítalíu í samstarfi við ítölsku ferðaskrifstofuna Cinquecento Viaggi srl. (500 eins og Fiat) sem staðsett er í Marche. Í gegnum Jóhönnu hafa yfir 1000 íslendingar, ferðast vítt og breytt um Ítalíu, með Cinquecento Viaggi, í yfir áratug.
Allar okkar ferðir eru til staða á Ítalíu sem við þekkjum persónulega og langar til að deila með öðrum.
Fjöldi þátttakenda í hverri ferð verður takmarkaður til að tryggja sem besta upplifun og gera okkur kleift að ferðast um á svæðum sem ekki eru endilega hönnuð fyrir mikinn fjölda ferðamanna.
Við skipulagningu ferða InItalia er mikil áhersla lögð á að nýta þjónustu frá aðilum sem búsettir eru á þeim svæðum sem heimsótt eru.
Allar ferðir InItalia henta allt eins vel fyrir pör eða vinahópa sem og fólk sem kýs að að ferðast á eigin vegum.
-
Námsfrí
Námsfrí er fjögura vikna tungumálanámskeið, í litlu þorpi í Marche - héraði, með fjölda skoðunarferða, sem hentar fólki á öllum aldri sem áhuga hefur á því að kynnast tungumálinu og menningunni betur.
Í boði eru fjölbreytt ítölskunámskeið, allt frá byrjendanámskeiðum upp í námskeið fyrir þá allra færustu. Grunnverð er sérlega hagstætt eða 1050 evrur.
Margir mismunandi gistimöguleikar eru í boði, hvort heldur sem er fyrir pör, fjölskyldur, vini eða fyrir þá sem vilja heldur einstaklingsíbúðir.
-
Matarklúbbur
Við hjónin erum mikið áhugafólk um mat og höfum á flakki okkar um Ítalíu undanfarin ár, kynnst fjöldanum öllum af litlum framleiðendum, yfirleitt fjölskyldureknum, á hágæða ólífuolíum, hunangi, pasta, ostum og fjöldamörgu öðru.
Í gegnum árinum höfum við iðulega fyllt ferðatöskur af mat til að taka með okkur heim og síðan nagað okkur í handabökin nokkrum vikum seinna fyrir að hafa ekki tekið meira með.
Með það fyrir augum að hætta að verða uppiskroppa með okkar uppáhalds matvörur þá fengum við þá flugu í höfuðið að hefja innflutning á þeim hingað til lands og kanna hvort fleiri gætu haft áhuga á að njóta þeirra með okkur í formi matarklúbbs.
Hugmyndin er að fólk geti bæði skráð sig í mánaðarlega áskrift á tilteknum vörum, en jafnframt valið að versla vörur að vild án skuldbindingar.
Smelltu á hlekkinn hér fyrir neðan til að skrá þig í ferða- og matarklúbbinn og fá upplýsingar um nýjar ferðir og matvörur um leið og þær berast.
Samstarfsaðilar InItalia
Cinquecento Viaggi srl.
Pan Arctica ehf.
Kt: 670498-2550