Getum tilfallandi boðið upp á örfáa flugmiða til Feneyja 4. - 11. águst
Innifalið er 23 kg. innrituð taska, handfarangur, léttur bakpoki eða taska ásamt ráðgjöf um áhugaverða staði til að heimsækja í nágrenninu
Marco Polo flugvöllurinn við Feneyjar er frábær upphafsstaður til að skoða Norð-austur hluta Ítalíu sem er með langa og oft einstaka strandlengju að Adríahafinu.
Í innan við tveggja klukkustunda akstri frá flugvellinum eru fjölmargir einstaklega áhugaverðir áfangastaðir sem henta jafnt til dagsferða sem til lengri dvalar.
Meðal vinsælustu áfangastaðanna í nágrenninu eru Feneyjar, Verona og Gardavatnið, en einnig eru sjarmerandi bæir á borð við Padua, Treviso, Vicenza og Soave, sem allir bjóða upp á ríka sögu, fallegan arkitektúr, dásamlegan mat og mikla ítalska stemningu.
Veneto og nálæg héruð eru ennfremur rómuð fyrir óviðjafnanleg vín, en þar má m.a. nefna Franciacorta, Lugana, Soave, Prosecco (Glera) og svo Valpolicella (Amarone og Ripasso).
Lestarsamgöngur á þessu svæði eru frábærar en einnig eru fjölmargar bílaleigur á Marco Polo flugvellinum.
