Dagur 1.
Ferðadagur
Brottför í beinu flugi með Icelandair kl. 07:50 með áætlaða lendingu í Róm kl. 14:25.
Frá flugvellinum í Róm höldum við beint á fjögurra stjörnu Spa hótelið sem bíður okkar í hlíðum Sibillini þjóðgarðsins í Marche. Ferðin þangað mun taka um 3.5 klst. með stuttu stoppi. Fararstjórar munu fylgja hópnum í rútuna, sem bíður eftir okkur á á flugvellinum.
Leiðin þangað er falleg og fjölbreytt og stutt stopp verður gert á leiðinni. Eftir komu á hótelið, munu gestir fá afhenda lykla að herbergjunum og í framhaldi getað slakað á í fallegu umhverfi.
Eftir að allir eru búnir að koma sér fyrir þá munum við hittast í kvöldverð á veitingastað hótelsins til að kynnast aðeins og fara yfir næstu daga.
Mjög góður veitingastaður er á hótelinu.
Kvölverður, fyrir utan drykki, er innifalinn.
Dagur 2.
Spa dagur og hádegisverður uppi í fjöllum Sibillini
Eftir morgunverð er frjáls tími en innifalið þann dag verður fullt aðgengi að spa svæði hótelsins, inni- og útisvæði, sólbekkjum og sundlaug.
Upp úr hádegi ökum við svo stuttan spöl til veitingastaðar uppi í hæðum Sibillini þjóðgarðsins, þar sem við munum njóta hádegisverðar á ítalska vísu.
Eftir hádegisverð verður frjáls tími en spa svæði hótelsins mun áfram verða aðgengilegt fyrir þá sem vilja.
Dagur 3.
Skoðunarferð til miðaldabæjanna Assisi & Gubbio
Eftir mörgunverð munum við halda til bæjarins Assisi
sem er frægur fyrir að vera fæðingastaður heilags Fransis.
Assisi er í um 50 mínútna akstri í burtu og þar munum við fara saman í stutta skoðunarferð um bæinn og í framhaldi verður frjáls tími fyrir fólk til að skoða sig um.
Við munum svo safnast saman eftir hádegismat og halda saman til Dómkirkju heilags Fransis. Kirkjan er í gotneskum stíl og á margan hátt algjörlega einstök, verandi skreytt freskum eftir Giotto og Cimabue.
Um klukkan 15:00 leggjum við svo af stað áleiðis til Gubbio, sem er miðaldabær í Umbria, í hæðum fjallsins Ingino.
Bærinn er rómaður fyrir einstaka byggingarlist, mikilvægar fornleifar og hina árlegu miðaldarhátíð La corsa dei ceri.
Við munum fara upp á tind Ingino með kláfi og njóta einstaks útsýnis yfir fagrar sveitir Umbria.
Dagur 4.
Strandaferð til Adríahafsins
Eftir morgunverð er ferðinni heitið til einnar af fegurstu ströndum Adríahafsins við bæina Sirolo & Numana.
Deginum verður varið á ströndinni, sem er í rétt rúman klukkustunda akstur frá hótelinu.
Eftir ströndina verður boðið upp á vín og ólívuolíusmökkun í einni helstu sælkerabúð svæðisins.. Rútan mun svo sækja hópinn þangað og flytja okkur á hótelið.
Um kvöldið er boðið upp á kvöldverð á veitingastað hótelsins sem er innifalinn.
Dagur 5.
Heimsókn í "athvarf syndaranna", hellaskoðunarferð í hina mögnuðu Frasassi hella og ljúfur hádegisverður upp í hæðum Marche
Eftir morgunverð munum við halda til Frasassi þjóðgarðsins sem hefur að geyma magnaðar náttúruperlur sem og merka menningarlega arfleifð. Við munu byrja daginn á því að labba upp til Tempio di Valadier, sem er áhrifamikið nýklassískt hof sem stendur inni í hellismunni í Gola della Rossa gilinu, nálægt bænum Genga. Hofið var reist árið 1828 að frumkvæði Páfa Leó XII, sem fæddist í Genga. Hofið var hannað sem helgidómur helgaður Maríu mey og var ætlað að vera athvarf fyrir syndara sem leituðu fyrirgefningar, og hefur því fengið viðurnefnið "athvarf syndaranna“.
Við hliðina á hofinu, inni í berginu er Eremo di Santa Maria Infra Saxa, klaustur sem Benediktínu nunnur byggðu og er fyrst getið í heimildum árið 1029. Þetta svæði hefur lengi verið notað sem athvarf og bænastaður, og sameinar náttúrulega fegurð og trúarlega arfleifð.
Til að komast að Tempio di Valadier þarf að ganga um 800 m langan hellulagðan göngustíg upp brekku frá bílastæðinu, en ferðin er þess virði fyrir þá sem vilja upplifa þennann einstaka stað.
Þegar við komum niður aftur höldum við til Frasassi-hellana (Grotte di Frasassi) sem eru stórbrotið hellakerfi, örskammt frá. Þeir eru meðal stærstu og áhrifamestu kalksteinshella í Evrópu og voru ekki uppgötvaðir fyrr en árið 1971.
Innan þeirra er hægt að sjá risastórar stallaðar hvelfingar, tugametra háa dropasteina (stalaktíta og stalagmíta), neðanjarðará og kristalmyndanir. Stærsta hvelfingin, Grotta Grande del Vento, er það stór að dómkirkja í Milano gæti rúmast þar inni. Mjög góð aðstað er til göngu inni í hellakerfinu og svæðið öruggt. Hitastigið í hellunum er 14 C allt árið um kring.
Þegar við verðum aftur komin út í sólina munum við halda til rómaðs veitingastaðar uppi í hæðum Marche, í um 20 mínútna akstri frá hellunum. Þar munum við borða hádegisverð saman, þennan síðasta dag okkar í Marche, og njóta veiganna og útsýnisins yfir þessar fögru sveitir. Við höldum svo á hótelið okkar sem er í rétt rúman tuttugu mínútna akstri frá veitingastaðnum.
Aðgangur að hofinu og Frasassi hellunum er innifalið í verði sem og hádegismaturinn.
Dagur 6.
Haldið til Rómar!
Eftir morgunverð kveðjum við Marche og höldum til Rómar. Áætlaður komutími þangað er um kl. 13.30.
Árið 2025 er hið heilaga ár í Róm skv. kaþólskri kirkju. Rómarborg mun skarta sínum fegursta skrúða þetta árið og því einstakt tækifæri til að upplifa borgina eilífu á þessum tíma.
Eftir að hafa komið töskunum okkar fyrir á hótelinu mun fólk hafa frjálsan tíma til að njóta alls þess sem þessi yndislega borg hefur upp á að bjóða.
Dagur 7.
Skoðunarferð um Róm & ítalskur hádegisverður við Vatíkanið
Eftir morgunverð verður boðið upp á skoðunarferð með fararstjórum um mörg af þekktustu kennileitum Rómarborgar.
Skoðunarferðinni lýkur í sameiginlegum hádegisverði á veitingastað í nágrenni við Péturskirkjuna. Þar munum við njóta saman dýrindis veiga á rómverska vísu.
Í framhaldi verður frjáls tími til að njóta eftirmiðdagsins og kvöldsins í þessari yndislegu borg.
.jpg)
Dagur 8.
Ferðadagur
Ferðadagur. Eftir morgunverð, er frjáls tími, en rútan mun leggja af stað frá hótelinu ekki seinna en kl. 12:00 á hádegi.
VIð höldum síðan af stað áleiðis til Fiumicino-flugvallarins, en þangað er aðeins um 30 - 40 mínútna akstur.
Brottför heim er áætluð kl. 15:55.
Innifalið í verði:
Verð ferðar er 329.000 þús á mann. m.v. 2 í herbergi. Fyrir þá sem vilja vera í sér herbergi bætast 55.000 þúsund krónur við. Innifalið: Beint flug með Icelandair til Rómar ásamt 23 kg. tösku og 10 kg. handfarangri. Rútuferðir skv. ferðalýsingu. Morgunverður alla daga. 5 nætur á 4 stjörnu Spa hóteli í þjóðgarðinum Sibillini í Marche. Tveir kvöldverðir á glæsilegum veitingastað hótelsins í Marche (án drykkja). 2 nætur á 4 stjörnu hóteli í Róm Dagur á Spa svæði hótelsins í Marche, og langur hádegisverður uppi í hæðum þjóðgarðsins. Heimsókn á merka staði í Frasassi þjóðgarðinum. þ.m.t. Hof Valadier, Frasassi hellakerfin og hádegismatur uppi í hæðum Marche í framhaldi. Skoðunarferð til Assisi, fæðingarbæjar heilags Fransis, verndara Ítalíu. Skoðunarferð til Gubbio í Umbria Strandarferð til Numana við Conero - ströndina, ásamt vín og ólívuolíusmökkun. Skoðunarferð um helstu kennileiti Rómar ásamt hádegisverði í nágrenni við Vatíkanið. Íslensk fararstjórn. Fjöldi þátttakenda mun takmarkast við aðeins 28 manns. Lágmarks fjöldi þátttakenda í ferð er 20 manns. Ekki innfalið: Aðangur að söfnum, gistináttaskattur sem greiddur er á hóteli, aðgangur að Spa svæði hótelsins þá daga sem ferðir eru í boði, strandabekkir í Numana og annað sem ekki er tekið fram að sé innifalið. Annað: Staðfestingargjald er 60.000 kr. og er óafturkræft nema að ferðinni verði aflýst. Lokagreiðsla þarf að berast fyrir 6 - 8 vikum fyrir brottför. Ferðaskrifstofan / fararstjórar áskilja sér rétt til að breyta áætlun ferðar ef veður, umferð eða aðrar ófyrirsjánlegar aðstæður gefa tilefni til.
